နေ့ခင်းဘက်တွေဆို အိပ်ငိုက်နေပြီး ညဘက်တွေလည်း အိပ်မပျော် ဖြစ်နေတယ် ဆိုတဲ့သူတွေအတွက် အိပ်ချိန် မှန်စေမဲ့ နည်းလမ်းလေးတွေကို မျှဝေပေးချင်ပါတယ်။
ကောင်းမွန်စွာ အိပ်စက်နိုင်ဖို မိမိကိုယ်တိုင် လွယ်ကူစွာ လုပ်နိုင်မဲ့ နည်းလမ်းလေးတွေကို ပုံလေးတွေအောက်မှာ ရေးပေးထားပါတယ်။
အိပ်စက်ချိန် အချိန်ဇယား ထားပါ
နေ့စဥ် ပုံမှန်အိပ်ချိန်နှင့် မနက်ထချိန်ကို သတ်မှတ်ပေးထားခြင်းဖြင့် သင့်အတွက်ကောင်းမွန်တဲ့ အိပ်စက်ခြင်းကို ရရှိစေမှာပါ။
တစ်နေ့ကို အိပ်ချိန် အနည်းဆုံး ၇ နာရီသတ်မှတ်ပြီး ဘယ်အချိန် ည အိပ်မယ်၊ မနက် ဘယ်အချိန်ထမယ် စနစ်တကျထားရှိပြီး နေ့စဥ် အကျင့်လုပ်ပေးခြင်းဖြင့် သင့်ခန္ဓာကိုယ်ကလည်း ဒီ အိပ်စက်ချိန်စက်ဝန်းကို အသားကျလာမှာဖြစ်ပါတယ်။
အိပ်ခါနီး ဖုန်းသုံးခြင်း မလုပ်ပါနဲ့
တချိုက ညဘက် အိပ်ချိန်ကို အိပ်ယာထဲ အထိ ဖုန်းကြည့်နေပြီးမှ အိပ်ပျော်သွားတာကို အပန်းဖြေတယ်လို မှားယွင်းယူဆတတ်ကြပါတယ်။
တကယ်က ဖုန်းကနေ ထုတ်လွှတ်နေတဲ့ အလင်းတန်းတွေက သင့်ကို ပို နိုးကြားနေစေပြီး အိပ်ချင်စိတ်ကိုပျောက်သွားစေပါတယ်။ အကျိုးဆက်အနေနဲ့ အိပ်ချိန်နောက်ကျပြီး ကိုယ့်ရဲ့ ပုံမှန် အိပ်စက်ချိန်စက်ဝန်းကိုပါ ထိခိုက်စေတတ်ပါတယ်။
ဒါကြောင့် အိပ်ခါနီး အနည်းဆုံး မိနစ် ၃၀ မတိုင်ခင်ကို ဖုန်း၊ Laptop စတဲ့ Screen ကြည့်ခြင်းကို မပြုလုပ်ပါနဲ့။
သက်တောင့်သက်တာ ရှိသော ပတ်ဝန်းကျင် ဖြစ်ပါစေ
ကောင်းမွန်စွာအိပ်ပျော်စေဖို မိမိရဲ့ အိပ်ခန်းနေရာကို အနားယူနိုင်တဲ့ နေရာဖြစ်အောင်ဖန်တီးထားခြင်းဖြင့်လည်း အထောက်အကူပြုပါတယ်။
ဥပမာ – ဆူညံသံ သက်သာမဲ့ အခန်း၊ သက်တောင့်သက်သာဖြစ်စေမည့် ခေါင်းအုံး၊ အိပ်ယာခင်းမွေ့ရာများ၊ စိတ်အပန်းပြေစေမည့် ရနံ့ကုထုံးအတွက် Aroma Therapy စက်ထားရှိခြင်း၊ သဘာဝအသံများကို နားဆင်ရင်း အိပ်ပျော်စေဖိုအတွက် White Noise Machine များထားရှိခြင်း စတာတွေကလည်း သင့်အတွက် ကောင်းမွန်စွာ အိပ်စက်နိုင်ရန် အထောက်အကူဖြစ်စေမှာပါ။
လေ့ကျင့်ခန်း ပုံမှန် လုပ်ပါ
နေ့စဥ်ပုံမှန်လေ့ကျင့်ခန်းပြုလုပ်ခြင်းက စိတ်ဖိစီးမှုကို ပြေလျော့စေပြီး ညဘက် ကောင်းစွာ အိပ်ပျော်စေပါတယ်။
စာတမ်းတွေအရ ညဘက်အိပ်မပျော်တဲ့သူတွေဟာ လေ့ကျင့်ခန်းပြုလုပ်ခြင်းဖြင့် ခန္ဓာကိုယ်ထဲမှ အိပ်ပျော်စေဖို အထောက်အကူပြုတဲ့ Melatonin ဟော်မုန်း ထုတ်လုပ်မှုကို အားပေးတာကြောင့် ပိုပြီးကောင်းကောင်းအိပ်ပျော်စေပါတယ်။